بعد اعلان طلاقي حكايات صافي هاني
دانيال قفل السكة في وش المحامي وهو مش شايف قدامه، وبص لفانيسا اللي كانت بتموت من الرعب وبتحاول تلم هدومها وتخبي وشها من نظرات الدكاترة والممرضين.
أمه، اللي كانت من خمس دقائق بس شايفة نفسها كسبت كل حاجة، مسكت شنطتها وخرجت تجري من العيادة وهي بتتحسبن وتعيط من الفضيحة، ووراها باقي العيلة اللي اتبخروا في ثواني وكأنهم عمرهم ما عرفوه، وسابوه واقف بطوله وسط المولد اللي انفض ده.
خرج دانيال من العيادة زي المجنون، يكلم البنك بتاعه… الحسابات مجمدة. يكلم شريكه… قاله إن مباحث الأموال العامة والضرائب باعتين جواب استدعاء رسمي للمقر. حاول يكلم أمه أو أخته عشان يلاقيلهم مكان يقعدوا فيه بعد ما البيت كمان بقى عليه حجز قضائي، بس محدش فيهم كان بيرد عليه. كل واجهات المظاهر والفلوس اللي عاش يبهرهم بيها اتهدت فوق دماغه في ساعة زمن.
في نفس اللحظة دي، بره مصر، الشمس كانت بدأت تغيب.
كنت قاعدة في البلكونة بتاعة بيتنا الجديد، والجو كان دافي وهادي. العيال كانوا ناموا من التعب بعد يوم السفر الطويل.
موبايلي نور برسالة من روبرت:
“كل الخطوات اتنفذت بالحرف. دانيال مابقاش يملك حتى تمن المحامي اللي يدافع عنه. تقدري تبدأي حياتك وإنتِ مطمنة”.
مسحت الرسالة، وقبل ما أقفل الموبايل، بصيت على صوري القديمة وأنا بعيط في المطبخ، وعملتلها مسح نهائي.
بصيت للسما، وأخدت نفس طويل ومريح… مكنش في قلبي شماتة، كان في قلبي بس راحة وسلام، لإن الست اللي بتعرف تسكت وتستحمل عشان تحمي عيالها، لما بتقرر تقلب الصفحة… بتمحي اللي كتبته كله ومبتلتفتش وراها تاني.بت في الإقرارات ال
مالية. وطبعاً… مصلحة الضرائب مستنياك بكرة الصبح”.
دانيال مبقاش عارف يصرخ في فانيسا اللي خانته وضيعت شرفه، ولا يلحق شركته وفلوسه اللي بتضيع، ولا يرد على المحامي. وفجأة أمه بدأت تصرخ في العيادة وتقول: “يا فضيحتنا! يا فضيحتنا!”، وباقي العيلة اللي كانت جاية تتفشخر بدأت تنسحب واحد ورا التاني عشان ميتورطوش في الفضيحة والمصيبة المادية اللي جاية.
أنا قفلت الموبايل، وبصيت لولادي وهم بيلعبوا في جنينة البيت الجديد ومبسوطين. أخدت نفس عميق لأول مرة من سنين، وابتسمت… لأني عرفت إن العدالة لما بتيجي، بتيجي حامية ومبتسميش.
مرت تلات شهور على اليوم ده.
العيال بدأوا يتأقلموا على حياتهم الجديدة، دخلوا مدرسة هناك، وضحكتهم اللي كانت غايبة بسبب المشاكل والنكد في البيت القديم رجعت تنور وشوشهم تاني. نوح بقا ينام بالليل من غير ما يصحى خايف، وليلي بدأت تكبر وتفهمني من غير ما نتكلم.
في يوم، كنت قاعدة براجع حساباتي الشغل الجديد اللي بدأته أونلاين، جالي إيميل من روبرت هايز فيه التقرير النهائي للقضايا.
روبرت كاتبلي بالتفصيل اللي حصل لدانيال:
الضرائب حجزت على الشركـة والفيلا اللي كان مستخسرها فيا وفي عياله، وباعوها في المزاد العلني عشان يسددوا الديون اللي عليه. فانيسا اختفت تماماً بعد الفضيحة بتاعة العيادة، ومبقاش حد عارف طريقها بعد ما اتأكدوا إنها كانت بتغفله عشان تدبسه في العيل والقرشين اللي حيلته. دانيال دلوقتي عايش بالإيجار في شقة في أطراف المدينة، وبيشتغل موظف حسابات بسيط في شركة صغيرة جداً، بعد ما كان صاحب عمل وبيتفشخر بفلوسه على خلق الله.
