شخص مش قد المسؤلية 1حكايات صافي هاني
في آخر الرسالة، كاتب المحامي نوتة صغيرة تحت كلام رأفت، بيأكد فيها إن الثروة اللي سابها رأفت والشركات اللي باسم الولاد دلوقتي تقدر بملايين الجنيهات، وإنها جاهزة للتنازل باسمهم فوراً. أنا قعدت على الأرض ومش قادرة أصلب طولي.. الـ 10 عيال اللي كانوا حواليا، اللي بقوا دلوقتي دكاترة ومهندسين ومحامين، كلهم انهاروا وبكوا على أبوهم اللي ظلموه طول السنين دي واكشفوا إنه ضحى بعمره وصحته وسمعته عشان يحميهم ويسيبهم في أمان.
بصيت لولادي وقولتلهم وصوتي بيروح: “أبوكم مظلمناش.. أبوكم كان بطل، وشال الوجع لوحده طول السنين دي عشان نعيش إحنا.” البيت اللي كان مليان ضحك من شوية، اتقلب لملحمة حب ووفاء.. حضنا بعض كلنا، وحسيت إن شقا الـ 30 سنة كله هان، وإن رأفت بالرغم من غيابه، رجعلنا في النهاية وطهر اسمه قدام أولاده، وسابلنا العز والأمان اللي يرفع راسنا ليوم الدين. #حكايات_صافي_هاني
