امها المريضه 1 حكايات صافي هاني

أمي اللي عندها 81 سنة طردت الست الغلبانة اللي كانت بتمريضها، وجابت مكانها راجل سواق توكتوك ومقضيها أوشام! لما عرفت السبب في الآخر، رجليا مأشلتش تشيلني من الصدمة. أمي رقدت في السرير بقالها 12 سنة. طول الفترة دي، كانت الست أم أحمد هي اللي واخدة بالها منها وأنا في الشغل؛ ست حِنينة ومصلاية وبتعامل أمي بكل صبر ودفا. من شهرين فاتوا، لقيت أم أحمد بتكلمني وهي بتعيط وتقولي إن أمك طردتني وجابت واحد تاني مكانها خلاص، بس صدقيني مش هتبقي عايزة تعرفي هو مين ولا شكله إيه. جريت على البيت وأنا دمي واقف من الخوف، وأول ما فتحت باب الأوضة اتسمّرت في مكاني. جنب السرير كان قاعد راجل ضخم، جث..ة وعضلات، لابس فيست جينز مقطوع، ودقنه واصلة لِصدره، ودراعاته ورقَبته كلها أوشام. الغريبة إنه كان قاعد بكل حرص بيأكل أمي شوربة لسان عصفور بالمعلقة، وأمي كانت بتضحك له من قلبها وكأنه طاقة قدر واتفتحت لها. قلت براحة وبصوت مرعوب: ماما.. ممكن أتكلم معاكي؟ على انفراد؟ الراجل مبصليش حتى، قام بهدوء وقال بصوت جهوري بس مؤدب: أنا هستناكي برة في الصالة يا أبلة.. خدي راحتك مع الست الحجة تحية. أول ما الباب اتقفل، كنت هصرخ، بس أمي قطعتني وقالت بنبرة ناشفة إن هو قاعد هنا ومفيش مخلوق هيمشيه، وأنا عايزة عاشور هو اللي يخدمني. والموضوع خلص، وعاشور بقى هو اللي مسؤول عنها. وبالرغم من إني كنت كارهة الوضع ومستغرباه، إلا إن شهادة حق، الواد عاشور كان بيعامل أمي بحنية مش طبيعية. أمي اتغيرت 180 درجة؛ بقت بتضحك، وشهيتها اتفتحت للأكل، وردت فيها الروح من تاني. كانوا بيقضوا ساعات وساعات يتكلموا ويوشوشوا بعض، بس الغريبة إن أول ما كنت بدخل الأوضة، كانوا بيسكتوا فجأة. الدنيا اتقلبت لما أمي تعبت فجأة ونقلوها المستشفى. الدكاترة قالوا ده بسبب السن والمرض، بس أنا عقلي مكنش جايبني غير إنه بسببه، كنت بلوم عاشور في سري. الواد مسابش المستشفى، كان قاعد جنب سريرها ليل نهار، وكان مستفزني قوي وهو بيتصرف براحته وكأنه صاحب مكان، وكأنه ابنها. أول ما أمي غفلت ونامت، لفيت ليه وقلت له بحدة إني عايزاه يمشي ويسيب الشغلانة دي وهديك تلات أضعاف فلوسك. عاشور مردش عليا في وقتها. بص في وشي نظرة طويلة غامضة، وبعدين لف وخرج في الممر بهدوء. مشيت وراه وأنا بنادي عليه لـحد ما بقينا برة في حوش المستشفى. فجأة وقف، ولف ليا وقال بصوت كله شجن إن جه الوقت اللي تعرفي فيه الحقيقة يا أستاذة، أمك حَلّفتني مَجيبش سيرة، بس أنا خلاص مبقتش قادر أستحمل أكتر من كده. قلبي سقط في رجليا وسألته: هي أمي كانت مخبية إيه؟ عاشور أخد نفس طويل، وطلع علبة السجاير من جيبه، إيده كانت بترتعش وهو بيولع سيكارة، وبص للأرض وعينيه مدمعة وقال بصوت مخنوق: "أنا مش مجرد سواق توكتوك غريب يا أبلة.. أنا أبقى ابن جوز أمك.. الحاج فؤاد الله يرحمه اللي عاش مع أمي التانية في السر زمان. يعني أنا أخوكي، بس من الأب.. الأخ اللي عمرك ما سمعتي عنه ولا شوفتيه في حياتك." الصدمة خلتني أرجع خطوة لورا، وبقيت أبص له بذهول وأنا مش قادرة أستوعب الكلام، لكنه كمل وهو بيمسح دمعة فرت من عينه: "أبوكي اتمسك بأمي التانية لحد ما ماتت وأنا عيل صغير، وبعدها الدنيا لطشت بيا.. والأوشام اللي في جسمي دي كانت طيش شباب وأيام سودة قاضيتها في السجن بسبب قض..ية ظلم اتقفلت فيا.. ولما طلعت، ملقتش كلب يحن عليا ولا يسأل فيا، الكل اتبرى مني.. ما عدا ست الكل.. أمك!" سكت شوية وبص لشبابيك المستشفى وكمل: "أمي تحية عرفت طريقي بالصدفة من كام شهر، وبدل ما تخاف مني أو تطردني، فتحت لي بيتها ودراعاتها، وبكت في حضني وقالت لي أنت ريحة الغالي.. ولما لقتني ضايع ومش لاقي لقمة أكل، صممت أجي وأقعد تحت رجليها أخدمها، وقالت لي مفيش حد أولى بيا من ابن جوزي اللي ملوش ذنب في الدنيا.. وعشان تعوضني عن سنين الحرمان والغُلب اللي شوفتهم." أنا كنت واقفة مكاني، الهوا كان بارد بس حاسة بنار بتغلي جوايا، سألته بصوت مرتعش والدموع خلاص مغرقة وشي: "طب وليه؟ ليه خبت عليا كل ده؟ ليه عيشتني في الكدبة دي وسابتني أظلمك؟" عاشور بص في عيني مباشرة وقال بنبرة تكسر القلب: "عشانك أنتي يا أبلة.. أمك حلفِتني على المصحف مَجيبش سيرة، قالت لي بنتي بتموت في تراب أبوها وشايفاه مفيش منه اتنين.. لو عرفت إنه كان متجوز على أمها في السر ومخبي عنها، قلبها هيتكسر وسيرته هتصغر في عينها وتكره الأيام اللي عاشتها معاه.. أمك ضحت براحتها وشالت السر التقيل ده لوحدها كل السنين دي، واستحملت كلامك ونظرات شكك فيا، كل ده بس عشان تحمي صورة أبوكي الله يرحمه قدامك وتفضلي فاكراه البطل اللي مبيغلطش." أول ما نطق الكلمتين دول، حسيت الأرض بتلف بيا، وركبي خانتني ومأشلتش تشيلني.. وقعت على الرصيف في حوش المستشفى وأنا بنهج ومش قادرة أخد نفسي. أبويا؟ الراجل المثالي اللي كنت بحلف بحياته؟ طلع عنده حياة تانية وابن ميعرفش عنه حاجة؟ وأمي؟ الست المريضة الغلبانة اللي بقالها 12 سنة في السرير، تطلع بالشهامة والنظافة دي؟ تشيل سر يهد جبال، وتجيب ابن ضرتها لحد عندها وتأمنه على نفسها وتديه الحنية اللي انحرم منها، وتتحمل قسوتي عليها لمجرد إنها تحميني من الحقيقة؟ بصيت لعاشور وأنا شايفاه لأول مرة على حقيقته.. الأوشام اللي كانت مخوفاني ومخلية شكلي مقزز منها، بقيت شايفاها وجع وسنين ظلم عاشها الأخ اللي انحرمت منه.. الراجل الج..ثة اللي كنت فاكراه جاي يسرقنا، طلع هو السند الحقيقي اللي شال أمي في مرضها بحق الله وبدون مقابل. عاشور قرب مني وبص في الأرض، ومد إيديه الموشومة وهو بيرتعش وناولني منديل وقال بصوت واطي: "أنا مش زعلان منك يا أبلة.. وعارف إنك كنتِ خايفة على أمك.. أنا هلم هدومي وأمشي ومجرد ما تفوق هقول لها إني سبت الشغل من نفسي عشان متقلقش.. بس أرجوكي، بلاش تبيني لها إنك عرفتِ حاجة.. سيبيلها الحتة اللي باقية لها في الدنيا وهي مرتاحة إنها حمتك." لف ضهره عشان يمشي ويسيبني في ضلمة الحوش، وفي اللحظة دي.. حسيت إن لو سبته يمشي هكون بضيع نفسي وبظلم أمي وبخسر الأخ الوحيد اللي ليا في الدنيا. قمت بسرعة وأنا بنفض التراب من على هدومي، وصرخت بصوت مبحوح والدموع مغرقاني: "عاشور! استنى عندك.. متمشيش!"

مقالات ذات صلة

قصة الملياردير

ولـ,ـاعة جوزي

حماتي ضربتني في المحكمه حكايات صافي هاني

خيانة زوج حكايات صافي هاني

في جنازة امي

طمع الاهل حكايات صافي هاني

اترك تعليقاً إلغاء الرد