خيانة زوج وتوثيقها حكايات صافي هاني
تنهدت تنهيدة طويلة، كان فيها حمل جبل ونزل من على كتافي: “الله يبارك فيكي يا مي.. شكراً إنك كنتي عكازي في اللحظة الصعبة دي.”
”إنتي اللي كنتي قوية يا ليلى. غيرك كان كسر البيت فوق دماغه وطلعت هي الغلطانة في الآخر، لكن إنتي أخدتي حقك بالورقة والقلم وبمنتهى الشياكة.”
قفلت مع مي، وبصيت للمراية. مكنتش شايفة “ليلى” الضحية، كنت شايفة “ليلى” اللي كبرت عشر سنين في ليلة واحدة، بس كسبت نفسها.
الدرس اللي طلعته من الحكاية دي، إن الستر مش بس إن ربنا يداري عليك، الستر الحقيقي إن ربنا يكشف لك الخاين قبل ما عمرك يضيع معاه أكتر من كده.
حازم دلوقتي بيحاول يبدأ من جديد في شقة إيجار، وتقى اختفت تماماً من المنطقة، وأنا.. أنا بقيت بنام وراسي مرتاحة، مفيش “تكة” مفتاح في الباب بتقلقني، ومفيش ريحة غريبة بتشككني في نفسي.
أنا دلوقتي مش بس “الست الرزينة”، أنا الست اللي عرفت إن “نفسها” أعز عليها من أي حد تاني.
تمت.. بنصر وحق، مش بس بدموع.
هذه القصص مقتبسه من احداث اجنبيه اي لا تمثل مجتمعنا الشرقي
حكايات صافي هاني
